牛肚

牛嘅腹部叫「牛腩」而非牛肚，而我哋成日叫嘅「牛肚」，其实系指牛胃。

由于牛系反刍动物，牛胃有四室，分别为瘤胃、网胃、重瓣胃和皱胃，四个部份滋味各具特色，软腍、香滑、爽脆、烟韧。

牛肚/毛肚

牛胃第一格（即瘤胃），生满细毛，如地毡，称作毛肚、草胃，口感软腍。

金钱肚

牛胃第二格（即网胃），布满蜂巢纹路，估被称蜂巢胃，都系我哋经常讲嘅「金钱肚」，口感香滑。

牛柏叶

牛胃第三格（即重瓣胃），表面有很多瓣膜，被称为「牛百页」或「牛柏叶」，口感爽脆。

牛沙瓜

牛胃第四格（即真胃、皱胃），真正用嚟消化食物嘅部位，外表似瓜而被称为牛沙瓜或牛伞肚，口感烟韧。

牛双连

牛胃最厚嘅部份，即胃与胃之间嘅相连处，味道最香。

牛肠

牛肠头

牛肠最厚肉嘅位置，比较有咬口。

牛大肠

大肠清洗干净之后，会带有一层薄薄嘅脂肪，咬落去甘香四射，带有嚼劲。

牛竹肠

牛嘅小肠头，外皮薄，内有少量油脂，偏瘦爽身，脆中带香。

牛粉肠

牛嘅小肠部分，外皮较结实，入口粉糯带黏性。

牛肺

牛肺比猪肺要结实，更有弹性，口感腍滑带点爽脆。

牛膀

即牛嘅胰脏，一只头只有一小块，而且好难处理，堪称牛杂嘅精华所在，一碗牛杂嘅成败就睇牛膀嘅味道。

好嘅牛膀应该系入口粉糯嫩滑，甘香松化，且味道不羶不涩。

牛脆骨

牛嘅气管，与牛肺相连嘅软骨管道，系好罕见嘅部位，食落脆口

牛黄喉/牛心碇

牛心上嘅大动脉，口感爽脆，经常作为火锅或牛杂料。

少有部位

牛心、牛肝、牛肾较硬，不容易烹煮，所以牛杂中出现呢啲部位嘅几率唔高。

▲牛肝

▲牛肾

▲牛心

▲牛姜：牛嘅喉咙

▲牛天梯：牛嘅气管，因外型呈层状而命名

由于时间关系，仲有啲罕见部位就唔详细介绍啦，有兴趣嘅自己友，自己去查下~！

牛欢喜：牛嘅子宫

牛荔枝：牛嘅“高丸”，有人话应该叫“牛波子”

牛欢笑：牛嘅“音部”

牛 鞭：嗯，你明嘅……

牛指甲：牛蹄上起甲后嘅嫩肉部位

牛头皮：牛头上嘅皮

……

**如文章有唔正确嘅地方，欢迎大家指正补充。

最后奉上劲搞笑网络改编神曲：

《牛杂》

小科普：《牛杂》改编自王菀之嘅《留白》，由龙小菌改编及主唱，于无线综艺节目《Sunday扮嘢王》中，由「虾头」杨诗敏模仿王菀之唱出此曲。

各位自己友，

你哋最中意嘅部位又系边个？

（我讲紧只牛啊！！！）

想一齐督牛杂，

就扫下呢个码~

素材出自新浪香港、苹果日报等

羊城网负责整理编辑

返回搜狐，查看更多